MANTELI MË I BUKUR NË BOTË

THANI NAQO

S’përgjova diellin kur u fsheh pas malit,
Muzgu grizon pyllin e me nxit për rrugë.

Fshatari i regjur gjen rrugën e fshatit,

Mer rrjedhën e lumit mbi zhavorre e gurë.


Pllaq-plluq, pllaq-plluq, mes lumit ndal,
Kur do t’ta dëgjoj sërish zërin fërfërimës?!

I mbërthyer u ndjeva brenda guaskës – metal,

Zhgënjimpërzhitur nga stina e brymës...


Ky çast hutimi ishte gjumi im më i gjatë,
Një klithmë mëllenje nga hutimi më shkund!

Shoh muzgun e mbrëmjes që po zbriste mbi fshat,

Më të bukur mantel nuk kisha parë kund!



2007

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)