Tjetër raport i errët për Shqipërinë, TI: Më shumë se gjysma e qytetarëve pranojnë korrupsionin e deputetëve, ja sa paguajnë ryshfet

Tjetër raport i errët për Shqipërinë, TI: Më shumë se gjysma e qytetarëve pranojnë korrupsionin e deputetëve, ja sa paguajnë ryshfet
Shqipëria renditet ndër shtetet që paguan para nën dorë për të marrë një shërbim publik. Raporti më i fundit i Transparency International tregon se në Shqipëri 34 përqind paguajnë rryshfet për të marrë shërbim në institucionet shtetërore. Po kështu 55 për qind e shqiptarëve besojnë se deputetët janë të korruptuar.
 
Shteti tjetër shqiptar Kosova, ka një shkallë më të ulët të mitmarrjes, gjë e cila edhe pse ka vend për përmirësim tregon se kontrolli në sektorin publik është shumë më i mirë se në vende të tjera të rajonit.
 
Një tjeter pikë që përqendrohet te korrupsioni është besueshmëria te parlamentarët.
 
Shqipëria renditet në krah të shteteve si Ukraina, Bosnje-Hercegovina dhe Rumania që janë më të prirur të besojnë se deputetët e kuvendit të tyre janë shumë të korruptuar. Pothuajse më shumë se gjysma e qyretarëve e thonë këtë gjë, ndërsa në Moldavi këtë e thotë 76% e popullsisë.
 
Në studimin e organizatës Transaparency International një në tre persona që jetojnë në rajonet e Evropës dhe deri në Azinë Qendrore, e konsiderojnë korrupsionin si problemin më të madh, me të cilin përballën vendet e tyre.
 
Në këtë studim organizata tregon se brenda BE-së, rreth 66% e banorëve të Spanjës e shohin korrupsionin si një problemin më të madh të vendit të tyre.
 
Ndërsa në Gjermani kjo përqindje është e vogël, ku vetëm 2% e të anketuarve e konsiderojnë korrupsionin si problemin më të madh të vendit të tyre.

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)