100-vjetorin e Pavarësisë Shqiptare, Shoqata e Orientalistëve të Kosovës (SHORK) e pret me tre tituj të rinj, nëpërmjet revistës shkencore “Studime Orientale, nr. 3″, e cila lexuesit i sjell tema interesante nga studiues të dalluar shqiptarë, ku përfshihen studime dhe analiza shkencore, si dhe me dy titujt e rinj: “Reflektime të luftës së shqiptarëve për pavarësi (1389-1999) në burime orientale”, nga akademiku Feti Mehdiu; dhe “Shqipja dhe arabishtja – Kur’ani dhe Hadithi, burim për fjalorin etimologjik të shqipes”, nga arkeologu shqiptar, Tomorr Kastrati.
Ndryshe, përveç dy numrave të revistës “Studime Orientale”, Shoqata e Orientalistëve të Kosovës (SHORK) që nga viti 2001 ka botuar edhe titujt:
“Hyrje në Filologjinë Orientale” (2004); “Për Letërsinë Arabe” (2005); “Sahihu-l-Buhari në Gjuhën Shqipe” (9, 2006); “Maturantët e Parë të Medresesë “Alauddin” (2007) dhe “Leksikon i Hafizëve” (2010).
