Puna e vetme që është bërë deri tani nga Ministria e Kulturës, Rinisë dhe e Sporteve është rindërtimi i një kulmi të improvizuar.
“Punëtorët janë angazhuar me qëllim të ruajtjes së funksionit. Kemi bërë ndërhyrje preventive sa për ta mbrojtur koleksionin nga dëmtimet”, ka thënë Vjollca Aliu, drejtoreshë e Departamentit të Trashëgimisë Kulturore në MKRS.
Megjithëse projektin për rinovimin e galerisë së Agim Çavdarbashës e ka cilësuar prioritar, Aliu nuk thotë se kur do të mund të nisë rindërtimi.
“Nuk e dimë saktë. Pritet konsolidimi i Qeverisë pasi pa u konsoliduar Qeveria nuk mund të marrim vendime. Për procedura të reja nuk mund të flasim tani”, ka thënë ajo.
