Koço Danaj: Bisedimet midis Prishtinës dhe Beogradit janë të destinuara të dështojnë

Kryetari i Listës për Shqipëri Natyrale Koço Danaj, ka reaguar lidhur me bisedimet në nivelin më të lartë midis Prishtinës dhe Beogradit dhe me modelin që po afrohet lidhur me këto bisedime. Sipas tij bisedimet midis Prishtinës dhe Beogradit janë të destinuara të dështojnë. Ato janë bisedime me dhunë, jo natyrale, janë bisedime që synojnë të ndihmojnë Serbinë për në Be, por jo të ndihmojnë shqiptarët të bashkohen me njëri tjetrin. Pjesa e kombit shqiptar që jeton në Kosovë, ashtu si pjesa e kombit shqiptar që jeton në Shqipërinë artificiale, apo në Shqipërinë Lindore në Maqedoni, në Kosovën Lindore, në Mal të Zi apo në Çamëri, nuk është pronë e asnjë politikani, kushdo-qoftë ky dhe çfarëdo mbështetje ndërkombëtare që të ketë ai përkohësisht, thuhet mes tjerash në reagim.