Muaji mars është MUAJ BOTËROR I TË DREJTAVE TË KONSUMATORIT; 15. Marsi është DITË BOTËRORE E TË DREJTAVE TË KONSUMATORIT. U shënuan me pak manifestime, si: “ Java e konsumatorëve “ , Tryeza e debatit për të drejtat e konsumatorit por nuk iu dha e drejta ligjore që Muajin dhe Ditën ta shënojnë vet konsumatorët dhe as shoqëria civile e cila angazhohet për të drejtat e konsumatorit.
Po, mos të harrojmë, Kolegji Universitar JURIDICA, pa bujë e pa “ show medial “ e nisi lëndën : E drejta e mbrojtjes së konsumatorit.
Muaji mars njihet edhe si MUAJI I NDËRGJEGJËSIMIT PËR HIGJIENËN ?!
Lëmë me shumë interes për konsumatorin por nuk kemi dëgjuar se i është dhënë fare rëndësi ?!
5 – 7. Marsi – EPOPEJA E UÇK-së që na solli deri këtu e na hapi e mundësoi perspektiva më të ndritshme ia dha gjithë madhështinë e shkëlqimin Muajit Mars.
Por, shih çudinë: Paria e populli, institucionet e konsumatori, prindërit e fëmijët ( disa prej tyre )…manifestuan ndaras, veç e veç. Pse vallë ?!
7. Marsi DITA E MËSUESIT – Pishtarit / es të diturisë që na hapi sytë e mendjen për të ditur t i logjikojmë e pleqnojmë të drejtat, intereset, kërkesat, nevojat…dinjitetin tone – poashtu vijoi me modesti, ashtu si janë vet mësuesit: Modest.
8. Marsi – DITA NDËRKOMBËTARE E GRUAS edhe sivjet është shënuar me shumë manifestime, edhe komerciale, por duke mos e trajtuar gruan edhe si konsumatore e taksapaguese – si faktore tejet të rëndësishme për Buxhetin e Shtetit ?! Nuk u dëgjuan as aktivistet për të drejtat e gruas, as Presidentja, as kuvendaret, as ministret, as as feministet, askush ?!
10. Marsi – DITA BOTËRORE E VESHKËVE, si zakonisht, është shënuar me modesti nga Ministria e Shëndetësisë, dhe si zakonisht pa shfrytëzuesin / konsumuesin e shërbimeve shëndetsore – pacientin ose përfaqësuesin titullar.
Duke “ na përfaqësuar “ të tjerët po i shkelin të drejtat tona për t u përfaqësuar vet ?!
18.Marsi – Është DITA BOTËRORE E TË RINJËVE për manifestimin e së cilës nuk kemi njohuri se kush dhe si e shënoi ? Shkollat; Universitetet; Ekipet sportive e Federatat e tyre; Shoqëritë Kulturo Artistike, Grupet…MKRS-ja ?
Edhe të rinjët janë konsumatorë taksapagues dhe gjenerues të Buxhetit të Kosovës. Pra, të rinjët me paranë e tyre, të prindërve e familjarëve të tyre, ndajnë e grumbullojnë mjete për mirëqenien e tyre. Por, ata te të cilët janë deleguar kompetencat e autorizimet …Sikur jetojnë në ndonjë planet tjetër ?!
21. Marsi është DITË E PRANVERËS. Anise arritja e verës na është “ paralajmëruar “ që më 14. Mars me DITËN E VERËS ( në Elbasan e gjithë Shqipërinë ) manifestimet e pranverës këtu në Kosovë janë simbolike.
Sa e rëndësishme është simbolika na rrëfen fakti se po kjo datë / ditë, pra 21. Marsi është edhe DITË BOTËRORE E PYLLIT, është edhe DITË BOTËRORE E LUFTËS KUNDËR DISKRIMINI-MIT RACOR…Vallë, a nuk ishim edhe ne të diskriminuar, të shtypur kombëtarisht e individualisht ?
Simbolika di të jetë shumë e rëndësishme, e madhe: 22. Marsi është DITË BOTËRORE E UJRAVE – ndërsa Kosova nuk ka sasi të mjaftueshme të ujit të pijes, nuk ka sasi të mjaftueshme të ujit industrial, as ujë të mjaftueshëm për ujitjen e tokave të bukës, as…?
23. Marsi është DITË NDËRKOMBËTARE E METEOROLOGJISË – një fushë që “ interferohet “ me të gjitha fushat e jetës, ekonomisë, shkencës…Sa jemi familjarizuar me këtë fushë ?
Për 24.Marsin, DITËN BOTËRORE TË TUBERKULOZIT nga Ministria e Shëndetësisë është paralajmëruar një manifestim – vetëm një në Shtetin ku me aq lehtësi e “ ndërgjegje “ lejohet ndotja e mjedisit dhe atakimi i shëndetit të qytetarit-konsumatorit-taksapaguesit ?!
Edhe këtë ditë duhet manifestuar së bashku me shkaktarët e ndotjes së mjedisit dhe të sëmundjeve. Sepse kjo date është enkas për ata, sepse ata duhet t i vetëdijësojmë që të mos na helmojnë, mos të na infektojnë me sëmundje !!!
Arritëm deri te 27. Marsi DITA BOTËRORE E THEATRIT. Nuk kemi njohuri për manifestimet që do të organizohen. Por, edhe nëse nuk do të manifestohet nuk do të ishte për habi: Është niveli ynë i të informuarit, i të arsimuarit, i nivelit ë kultures, i shkallës së vetëdijësimit dhe për kapacitetet tona për ta emancipuar vetvehten dhe gjithë shoqërinë, gjithë sistemin.
Parimisht jemi kundër manifestimeve / fushatave njëditore për vetëdijësimin tone për kauzat, për të drejtat tona themelore si konsumatorë të të gjitha ofertave: Prodhuese, tregtare, administrative, shoqërore, të artit e të kulturës, të sportit, të arsimit, të…
Por, nëse kapacitet / potencialet tona janë tkurrur deri t kjo ditë atëherë le ta KEMI TË PAKTËN NJË DITË TË VETËDIJËSIMIT, të dëshmojmë bile një vetëdije elementare shpresëdhënëse për një vision dhe të ardhme më të mirë.
21.Mars, 2013,
Selatin Kaçaniku, dhe KONSUMATORI, Prishtinë, Kosovë, ok.kosova@gmail.com, 044/200-458
