1. Premtimet
Mjerë ata që mbështeten tek premtimet
Si t'i besosh një ëndrre të gabuar
Nga premtime të tilla vijnë zhgënjimet
Sa zhgënjime jetës kemi provuar.
Se premtimet janë si gjethe që merr era
I merr dhe i shpërndan tej e këtej
Premtimet e rreme janë pa vlera
Të tilla bëjnë politikanët e pandenj.
Premtimet janë si pika shiu që thith toka
Kërkon që t'i "prekësh", po zhduken, humbasin
Premtimet a nuk janë si ato vezët"klloka"
Premtime të pista që më shumë na "vrasin"
A kini provuar të mbani ujë në grusht
Përkulesh mbi grusht të pishë, i etur,
Për çudi, përmjet gishtave ka rrjedhur çurg
Pikë ujë nuk pi. Etja s'të është shterur.
O mos u besoni premtimeve të rreme
Është koha kur politikanët bëjnë lojë perverse
Shumë prej politikanëve janë si vemje
Gënjejnë ditës me diell dhe s'kanë pikë pendese.
20 mars 2013
2.Ikën koha
A nuk rrjedh dhe ikën koha si lumë
Dhe na rrëmben në rrjedhën e vetë?
Ndoshta nuk e them vetëm unë
Si lumë rrjedh dhe jona jetë.
Këtë rrjedhë zor se e ndalë
Më zor mos përfshihesh nga vrulli i saj
Oh, e kam provuar ! Kot s'jam kokëbardhë
Por arsyetimin me ju do ta ndaj.
Vështron jetën tënde dhe zë e mendon
Sa gjëra ke për të lënë pas
Vjen nostalgjia e të pushton
Brenga e mungesave pranë seç t'u qasë.
Dhe gjatë jetës zhvillohen sa e sa "beteja"
Herë korr fitore dhe herë del me humbje
Bien dogmat e vjetra, lindin të reja
Pse më duket që koha ka madhësinë e një gjurme?!!!
20 mars 2013
3.Kontradiktore është jeta e njeriut
Kontradiktore është natyra e njeriut
Në zëmër sa ka dashuri, ka dhe urrejtje
Ashtu siç fle qëngji (i ngjan dhe ariut?!)
Por nga kafshët njeriu dallon se ka ndërgjegje.
Ndërgjegja dhe shpirti komandojnë qenien njerëzore
Herë drejton mëndja dhe herë drejton shpirti
Zëmra është "timonierja" apo "moderatore"
A nuk është tek njeriu dhe djalli, dhe Krishti ?!
Por zëmra shpesh herë është rrebele
Dhe me shpirtin as që bie në ujdi
Ndaj ndodhin llahatara...deri në rrënqethje
Kur njeriu bëhet bishë dhe s'është më njeri.
Zëmra zë troket në çdo portë që dëshiron
Dhe për rrezik apo kosto as që pyet
Oh, të më besojë kushdo që më lexon !
Pasqyrat janë përpara. Kështu ndodh në jetë.
21 mars 2013
4. Një proverb japonez
"Ai që kërkon të trembë të tjerët, dridhet vet nga frika "
Paska një proverb nga Japonia
Që vlen shumë për ca që hiqen "trima"
Për ca "trima" që ka Shqipëria
Ky proverb për ta është pasqyra.
Pasqyra ku të shohin surratin
Se, sado që hiqen "trima"
Tek kapërdisen sikur shohin varrin
Dhe dridhen nga frika....
21 mars 2013
