Inaugurimi i Papa Franës (Francisco, Françesku) dje në Vatikan ka shënuar një kapitull të ri në historinë e Selisë së Shenjtë, kurse një nga gjërat më pak të rëndësishme ka qenë edhe vendosja nga ana e protokollit të mikpritësit e politikanëve që kanë marrë pjesë në ceremoninë e inaugurimit.
Sipas mediumeve serbe, delegacioni i këtij vendi ka pasur një vend jo të zakonshëm në inaugurimin e papës së ri. Presidenti Nikoliq ka qenë diku nga fundi, në bankën në të cilën ishte i ulur edhe presidenti slloven Borut Pahor, kurse prapa Nikoliqit kanë qenë të ulur ministri i Jashtëm, Ivan Mërkiq, dhe Marko Gjuriq, këshilltar i Nikoliqit.
Ndërkaq, krahas nënpresidentit amerikan ka qenë ulur Hashim Thaçi, madje në cilësinë e kryeministrit të Kosovës, me gjithë faktin se Vatikani ende nuk e ka njohur Kosovën, shkruajnë mediet serbe.
Sali Berisha, kryeministër i Shqipërisë në ceremoninë e Vatikanit ka qenë i ulur në afërsi të kancelares gjermane Angel Merkel.
Sipas të dhënave zyrtare, në ceremoninë e inaugurimit kanë marrë pjesë 132 delegacione shtetërore.
