Ditorja beogradase NIN ka publikuar një hulumtim, në bazë të të cilit kryeministri serb, Ivica Daçiq del të jetë i përfshirë në krimin e organizuar në Serbi. Në një hulumtim gazetaresk është zbardhur qartë lidhja e Daçiqit me një nga bosët e krimit të organizuar dhe trafikut të drogës, Rodolub Raduloviq. Kjo ka shtuar dukshëm gjasat që Serbia të përballet me zgjedhje të përgjithshme. Pavarësisht akuzave të medieve për lidhje me krimin e organizuar, partia e Daçiqit vazhdon të renditet e para në sondazhe. Ministri serb i Mbrojtjes, Aleksandar Vuçiq ka deklaruar se autoritetet përkatëse do të bëjnë çmos për të zbardhur lidhjet e politikës me korrupsionin dhe krimin e organizuar. “Në këtë betejë nuk duhet dhe nuk do të ketë persona të mbrojtur, pavarësisht emrit që kanë, mbiemrit apo funksionit”, citohet të ketë deklaruar Vuçiq.
No comments:
Post a Comment