Kompania austriake OeSD ka humbur 1.4 milionë eurot e deponuara si garanci për zbatimin e kontratës për prodhimin e pasaportave biometrike të Kosovës.
Këtë e parasheh neni 5 i kontratës, e cila është shkëputur të enjten nga ana e Ministrisë së Punëve të Brendshme për shkak “të mosrespektimit të saj” nga ana e partnerëve austriakë, të cilët kanë paralajmëruar padi me kërkesën për dëmshpërblim.
OeSD-ja ka “humbur” edhe 1.4 milionë euro të tjera, të cilat kanë shkuar në llogarinë e përfaqësueses së tyre në Kosovë, Natali Velijaj. Velijaj ndodhet në paraburgim si e dyshuara kryesore për vjedhjen e kësaj shume. Ajo pretendon se këtë shumë e ka dhënë ryshfet për tenderin.
Shkëputja e kontratës imponon shpalljen e një tenderi të ri ndërkombëtar për prodhimin e pasaportave biometrike, i cili mund t’i marrë deri në 120 ditë, në rast ankesash nga ndonjë konkurrent i pakënaqur.
No comments:
Post a Comment