Kush është Fatmir Limaj
Fatmir Limaj lindi më 4 shkurt të vitit 1971 në Kosovë, është politikan me diplomë juristi, ish- luftëtar i Ushtrisë Çlirmtare të Kosovës, ish- Ministër i Transportit dhe i Postë-Telekomunikacionit. Jeton në Prishtinë dhe ka 4 fëmijë. Në qeverinë e re të Thaçit pas zgjedhjeve, për shkak të ndërhyrjes së të huajve, ai nuk u lejua të merrte pjesë në qeveri për shkak të akuzave për korrupsion. Pas perfundimit te luftes, Fatmir Limaj u shpall si nenkryetar i PDK-së, shef i grupit parlamentar te PDK-së dhe zv.ministër i mbrojtjes në Qeverinë e Përkohshme.
Pas trimufit në Hagë, ai i'u rikthye sërish jetës politike si nënkryetar i PDK-së. Në zgjedhjet e vitit 2007 ku PDK-ja fitoi, Fatmir Limaj ishte njeriu i dytë më i votuar në Kosovë pas Hashim Thaçit dhe u zgjodh ministër i Transportit dhe Postë-Telekomunikacionit të Kosoves.
Lirimi i gjenralit Fatmir Limajt në 2005
Fatmir Limaj dhe Isak Musliu, u liruan nga Gjykata Ndërkombëtare e Hagës në nëntor të vitit 2005.
Ajo i shpalli ata të pafajshëm për të gjitha akuzat e ngritura nga Prokuroria e kësaj gjykate. Kur në 1 nëntor ata mbrritën pasdite vonë në Prishtinë, u pritën nga mijëra qytetarë që brohorisnin emrin e Fatmir Limajt.
Turma i ka shoqëruar që nga aeroporti i Prishtinës, duke shprehur kënaqësinë për ata që qytetarët e Kosovës e kanë konsideruar triumf të drejtësisë.
"Populli i Kosovës na besoi se jemi të pafajshëm, këtë e vërtetoi edhe drejtësia ndërkombëtare", u shpreh Fatmir Limaj, duke theksuar se liria e tij dhe e Isak Musliut është fitore e popullit të Kosovës.
Autoritetet më të larta vendore të Kosovë, partitë politike dhe qytetarët e Kosovës, përshëndetën asokohe vendimin e Gjykatës ndërkombëtare të Hagës për shpalljen të pafajshëm dhe lirimin e Fatmir Limajt dhe Isak Musliut, ndërsa serbët e Kosovës shprehën pakënaqësinë e tyre për këtë vendim. Limaj, Musliu dhe Balaj kaluan 33 muaj në qendrën e paraburgimit të Sheveningenit në Hagë.
Më 30 mars 2012 , gjykata liroi 6 të pandehurit në rastin Klecka: Behlul Limaj, Refki Mazreku, Sabit Shaba, Shaban Shala, Arben Krasniqi, dhe Besim Shurdhaj.
Dhjetë ish luftëtarët e UCK-së ishin paditur për dyshime për kryerjen e krimeve të luftës kundër serbëve në qendrën e burgimit Klecka në vitin 1999, gjatë konfliktit në Kosovë.
Sipas aktpadisë, Behlul Limaj dhe nëntë të pandehurit e tjerë patën “dhunuar integritetin trupor dhe shëndetin e një numri të paspecifikuar të civilëve serbë dhe shqiptarë dhe të burgosurve të luftës serbë të mbajtur në një qendër burgimi në fshatin Klecka”.
Të burgosurit janë mbajtur në “kushte cnjerëzore, të cilët përfshin mbajtjen e të burgosurve të lidhur me zinxhirë, në të ftohtë dhe të uritur, në kushte jo të shëndetshme dhe rrahje të shpeshta”, lexonte aktpadia.
Pothuajse të gjitha akuzat ishin të bazuara në dëshminë e Agim Zogajt, i njohur si dëshmitari X, i cili u vetvra shtatorin e kaluar në Gjermani, para se të fillonte gjyqi.
Zogaj ishte
Limaj, zëvendëskryetari i Partisë Demokratke e Kosovës, është përballur më parë me gjyqin për krime lufte në Gjyktën Ndërkombëtare për Krime në ish Jugosllavi, ICTY.
U akuzua, bashkë me Isak Musliun, dhe Haradin Balën, se ka kryer krime lufte kundër serbëve dhe shqiptarëve të dyshuar se kanë bashkëpunuar me Serbinë gjatë luftës në Kosovë.
Në nëntor të vitit 2005, ICTY e liroi dhe u kthye në shtëpi me një mirëseardhje prej heroi, me festime në rrugët e kryeqytetit, Prishtinë.
Deputeti i Parlamentit të Kosovës, Fatmir Limaj, u shpall 2.5.2012 i pafajshëm për të gjitha akuzat për krime lufte. Trupi gjykues i drejtuar nga Misioni i Bashkimit Evropian për sundimin ligjit, e shpalli atë të pafajshëm bashkë me tre ish bashkëluftëtarë të tij, Nexhmi Krasniqi, Naser Shala dhe Naser Krasniqi.
Pak pas lirimit, zoti Limaj shprehu besimin se, siç tha, “përfundimisht për të gjithë ata të cilët kanë pasur, fatkeqësisht dilema deri më tani, edhe pas 12 vjetëve, se dita e sotme dhe ky vendim tregon edhe një herë qartë që lufta jonë çlirimtare ka qenë e drejtë dhe e pastër”.
Në verën e vitit të kaluar, zoti Limaj dhe nëntë pjesëtarë të ish Ushtrisë Çlirimtare të Kosovës, u akuzuan për krime lufte kundër popullatës civile dhe krime lufte kundër të burgosurve të luftës, që, siç thuhet, supozohet të jenë kryer nga fillimi i vitit 1999 deri në mesin e qershorit të atij viti, në një qendër të improvizuar paraburgimi nga Ushtria Çlirimtare e Kosovës, e cila ndodhej në fshatin Kleçkë në Kosovën qendrore.
Më 30 mars të këtij viti, gjashtë nga të akuzuarit u shpallën të pafajshëm, ndërsa gjykata vendosi që procesi gjyqësor për krime lufte kundër deputetit Fatmir Limaj dhe tre bashkëluftëtarëve të tij të vazhdojë, meqë siç ishte thënë, për shkak të përgjegjësive komanduese gjatë luftës, duhet të shqyrtohen disa dyshime që kanë të bëjnë me veprimet e tyre.
Prokurori i çështjes, kishte refuzuar ndërkohë kërkesën e trupit gjykues për ndryshimin ne aktakuzës dhe sot procesi u shpall i mbyllur me pafajësinë e të akuzuarve.
Akuza, e cila u hodh poshtë nga trupi gjykues, mbështetej kryesisht mbi dëshmitë e një ish pjesëtari të Ushtrisë Çlirimtare, Agim Zogaj, i cili qe bërë i njohur si dëshmitari X, deri në muajin shtator të vitit të kaluar, kur kreu vetëvrasje në Gjermani. Ai ishte dërguar atje nga autoritetet e EULEX-it, në cilësinë e dëshmitarit të mbrojtur. Ai për një kohë kishte mbajtur ditar ku kishte shënuar ngjarjet e përfshira në akuzë. Më 21 mars të këtij viti, pohimet e dëshmitarit u shpallën të papranueshme nga gjykata.
Kjo është hera e dytë që Fatmir Limaj shpallet i pafajshëm nën akuzat për krime lufte. Më 30 nëntor të vitit 2005 Gjykata Ndërkombëtare për Krime lufte në Hagë shpalli të pafajshëm Fatmir Limajn i njohur me emrin e luftës si komandant Çeliku, i cili në shkurt të vitit 2003 qe akuzuar për përfshirje në krime kundër civilëve shqiptarë dhe serbë gjatë luftës së vitit 1998.
.
Policia e EULEX'it në Kosovë ka lëshuar një fletarresti për Fatmir Limajn, nën dyshimin për krime lufte të kryera në fshatin Kleçkë. Gjatë luftës, Limaj ka drejtuar Brigadën "Kumanova". Ai, nën dyshimet për krime lufte, ishte arrestuar vite më parë nga autoritetet e Tribunalit të Hagës, por ishte liruar si i pafajshëm.
Është arrestuar edhe komandanti rajonal i policisë në Prizren. Shtypi kosovar njoftoi se "edhe Komandanti i Policisë për Rajonin e Prizrenit, Nexhmi Krasniqi, është në mesin e të arrestuarve nga EULEX-i, si të dyshuar për krime lufte".
Të arrestuar të tjerë, sipas këtyre burimeve, janë edhe Refki Mazreku, i njohur me nofkën Van Dami; Naser Krasniqi, Behlul Limaj, Naser Shala, Sabit Shala, Shaban Shala, Besim Shurdhaj dhe Osman Hoxha.
Nëpërmjet një komunikate është njoftuar se arrestimet janë kryer me urdhër të gjykatësit të EULEX-it të procedurës paraprake nga Gjykata e Qarkut të Prishtinës. Hetimet ndërkaq, janë duke u zhvilluar nën mbikëqyrjen e një prokurori të Prokurorisë Speciale të Kosovës. EULEX-i nuk jep detaje për numrin e të arrestuarve, mendohet se do ketë arrestime të reja.. Ndërkohë agjencia Kosovapress shkruan se urdhër-arresti është lëshuar për 11 ushtarë të brigadës 121 - "Kumanova", të Ushtrisë Çlirimtare të Kosovës.
EULEX-i bëri të ditur është ngritur aktakuzë kundër deputetit Fatmir Limaj dhe gjashtë të tjerëve, nën dyshimet për përfshirje në krim të organizuar dhe korrupsion. Akuzat u ngritën më shumë se dy vjet pasi që EULEX-i bastisi Ministrinë e Transportit dhe Telekomunikacionit që drejtohej nga zoti Limaj.
Salustro i akuzon ata me akuza për krime lufte të kryera në fshatin Kleçkë në vitin 1999 në një burg të UÇK-së. Njëri nga ish-komandantët e Ushtrisë Çlirimtare të Kosovës, i njohur me nofkën e luftës “Çeliku”, akuzohet se ka urdhëruar dhe ka marrë pjesë në torturimin çnjerëzor të civilëve serbë e shqiptarë të paraburgosur në një kamp në fshatin Kleçkë.
Limaj do të gjykohet bazuar në dëshmitë e Agim Zogajt i cili u gjet i vdekur në shtator në Gjermani ku u tha se kishte bërë vetëvrasje. Ai u ka dhënë dëshmi prokurorëve për krime. U ka dorëzuar edhe ditarë me shënime për të burgosurit, vrasjet e disa prej tyre e detaje tjera.
Limaj në vitin 2005 ishte shpallur i pafajshëm në Hagë për krime lufte. Pritet se çfarë do të ndodh në këtë rast.
