Agjencioni Floripress: UP NË FUND TË PUSIT...

2013-02-01

UP NË FUND TË PUSIT...

Është shënuar fillimi i studimeve të doktoratës në katër fakultete të Universitetit të Prishtinës. Rektori i Universitetit të Prishtinës “Hasan Prishtina”, Ibrahim Gashi ka thënë se nga stafi i pedagogëve që do të ofrojë ligjërata do të kërkohet që të jenë maksimalisht të përgjegjshëm, koherentë dhe kreativë në kryerjen e detyrave të tyre, njofton KTV.

Sipas Gashit, ata në këtë program duhet të demonstrojnë përgatitjen e tyre maksimale profesionale, qasjen bashkëpunuese me të gjithë.

Ndërkaq, ministri i Arsimit, Ramë Buja ka thënë se është bërë një punë e mirë dhe këta kandidatë duhet vetëm të punojnë dhe ta shfrytëzojnë mundësinë që iu është ofruar.

Studimet e doktoratës do të fillojnë me 113 kandidatë. Fakultetet në të cilat do të fillojnë studimet në këtë nivel studimor janë Fakulteti Juridik (me drejtimet E Drejta Kushtetuese, E Drejta Civile, E Drejta Penale, e Drejta Financiare dhe E Drejta Ndërkombëtare), në Fakultetin Ekonomik (Departamenti BFK, Departamenti i Menaxhmentit, Departamenti i Marketingut dhe Departamenti Ekomik), në Fakultetin Filozofik doktoratura do të fillojë me studimet në Departamentin e Historisë, si dhe në Fakultetin e Mjekësisë në programin Biomjekësi Eksperimentale.

1