Shkollën fillore dhe të mesme i mbaron në Shkup. Ciklin e parë të studimeve i përfundon në Universitetin shtetëror të Tetovës në Fakultetin për Gjuhë dhe letërsi angleze dhe merr titullin Profesor i Gjuhës dhe letërsisë angleze.
Në vitin 2012 e përfundon ciklin e dytë të studimeve në UEJL në Tetovë në Fakultetin e shkencave politike dhe administratës publike, dega Diplomaci dhe me mbrojtjen e temës të magjistraturës me titull “Lobimi si mekanizëm i rëndësishëm i ndikimit diplomatik” merr titullin Magjistër i Diplomacisë.
Vite të tëra ka punuar si Profesor i Gjuhës angleze ndërsa që nga viti 2012 mban postin më të lartë në administratën shtetërore si Këshilltare shtetërore për promovimin e eksportit dhe marrëdhënieve ndërkomëtare të Republikës së Maqedonisë së Veriut në Agjencinë për investime të huaja dhe promovimin e eksportit të RMV-së.
Ka ndjekur shumë trajnime dhe seminare të ndryshme nga fusha e administratës publike si dhe ka qenë anëtare në grupe të ndryshme punuese në vend dhe jashtë saj dhe njëkohësisht ka marrë pjesë në grupin e ekspertëve si dhe ka qenë koautor në përpilimin e “Manualit për zgjidhjen e konflikteve mes qeverive dhe sindikatave” në kuadër të ITC/ILO, në Torino të Italisë.
Me poezi merret që nga rinia e hershme. Në vitin 2014 e boton dhe promovon librin e parë me poezi në gjuhën shqipe “Gërsheta malli” e cila përmban gjithsej 70 poezi.
Në vitin 2017 e boton dhe promovon librin e saj të dytë “Rruazat e jetës”.
Në vijim është duke punuar intenzivisht në tre libra nga të cilat dy përmbledhje me poezi dhe një përmbledhje me tregime të cilat duhet të botohen në vitin 2020.
Ajo është e njohur si autore e teksteve për këngë për fëmijë dhe ka qenë aktive me pjesëmarrje nëpër festivale mbi dhjetë vite me rradhë në vend dhe rajon.
Poezitë e saj rregullisht botohen në portalet letrare elektronike si dhe janë të përfshira në shumë antologji si: Antologjia e poezisë moderne shqipe; Panorama e krijimeve të zgjedhura për nder të manifestimit – Ora e Astritit; Antologjia e parë Ars-Albanica; përmbledhja e krijimeve letrare nga autorë të njohur shqiptarë “ILLZ” i cili botohet në Tiranë, përmbledhja letrare MAPO Letrare në Tiranë si dhe në shumë tjera.
Në mënyrë aktive merr pjesë në organizimin e ngjarjeve kulturore, kryesisht në ngjarjet letrare në vend dhe në rajon.
DijanaToska çdoherë thot:
“ Qëndrimi im çdoherë ka qenë dhe do të jetë ky: Të jesh grua është më shumë se kompleksitet i mënyrës të të menduarit. Do të thotë, një forcë interaktive, forcë njerëzore e cila e inspiron intelegjencën e saj, botën e lirë, kreativitetin i cili e karakterizon me të gjitha dëshirat dhe ëndrrat. Personalisht unë Gruan e më shumë e shoh si një potencial kryesor në zhvillimin dhe emancipimin e shoqërisë”
