FARUK BEGOLLI ( 14.02. 1944- 23.08. 2007)

Faruk Begolli ,lindi  në Pejë më 14 shkurt 1944,është  i biri i kryebashkiakut  të Pejës , të ndjerit Sefedin bej Begollit dhe t ë ndjerës Elmazes së Jashar Pashës.

Studioi në Akademinë e Filmit dhe Teatrit në Beograd dhe diplomoi në vitin 1966. FarukBegolli ishte gjithashtu një figurë e rëndësishme e Teatrit dhe Kinematografisë Kosovare.

Ishte bashkëthemelues i degës së Aktrimi të Fakultetit të Artevetë të Universitetit të Prishtinës, ku edhe punoi si pedagog i lëndës së Aktrimit. 

Në vitet e 90-ta ai së bashku me Enver Petrovcin themeluan Teatrin "Dodona" në Prishtinë, në këtë Teatër ai angazhonte studentët e tij dhe aktorë të tjerë duke inskenuar shfaqje të ndryshme teatrale. Teatri "Dodona" u bë Teatri më i njohur në Kosovë gjatë këtyre viteve duke vazhduar deri më tani.

Ka qenë profesor në Universitetin e Prishtinës. Njëherit bashkëthemelues i degës së Aktrimi të Fakultetit të Arteve të Universitetit të Prishtinës.

Begolli bashkë Enver Petrovcin themeluan Teatrin “Dodona” në Prishtinë, në vitet e 90-ta. Ka lujtuar në 70 filma artistikë e televizivë. 

Para se të bëhej aktor ka nisur studimet në Beograd për xehetari, por nuk kjo nuk i shkoi dhe kështu e humbi vitin dhe u kthye në Pejë në vendlindjen e tij. 

Pastaj ka regjistruar Fakultetin Ekonomik por as ky nuk ishte për të, edhe pse me nota ishte mirë, po nuk e kishte pasion, derisa u takua me kushëririnë e tij Istref Begolli dhe ai e bindi ta regjistroj artin në Beograd, dhe menjëherë u bë aktori më i kërkuar në Ish-Jugosllavi. Ka diplomuar në vitin 1966.

Faruk Begolli ishte i martuar me Zoja Gjokoviq, një balerinë profesioniste, e cila, edhe pas divorcit ka mbajtur mbiemrin Begolli

Artistët e vërtetë nuk vdesin kurrë. I tillë është aktori FarukBegolli pa të cilin sot u bënë 10 vite.

Me talentin e tij ai shkriu role të mëdha për të mbetur kështu një ndër figurat më të ndritura të kinematografisë shqiptare.

Figura e tij prej një djali tërheqës dhe plot sharmë, ka bërë që ai ende të mbetet një ndër figurat më të dashura të artit shqiptar. Shumë nga fotografitë e tij, qoftë ato të ndara nga rolet e tij të shumta, apo fotografi të rastit, janë ende shumë të pëlqyera nga publiku që e deshi fort.

Filmat më të njohur të tij janë “Kur pranvera vonohet”, “Era dhe Lisi”, “Sulmi i kuq” Dashuria e Bjeshkëve të Nemuna”e shumë të tjerë.

Regjisor e dramaturg

Kur kishe mujtë me m’pa, qysh më kishe pa

Profesor jam talent se jo mahi...

Iluzionet e dashurisë

Këngëtarja tullace

Dashuritë e Xhorxh Uashingtonit

Mbytma burrin

Maturantët

Martesa

Stjuardesat

Mbreti Ibish

Hajnat nuk vijnë gjithmonë për të keq

Ti, vetëm ti

Të lumët na për këtë liri

N’dorë e ka deputeti

Filmografia

10 Minuta Film i metrazhit të shkurtër - (2004)

Dashuria e Bjeshkëve të Nemuna - (1997)

Kur pranvera vonohet - (1980)

Era dhe lisi - (1979)

Të Ngujuarit - (1972)

Si të vdiset - (1972)

Sulmi i Kuq - (1974)

Proka - (1984)