Pritet plasaritja më serioze brenda PDK-së?...

Pritet plasaritja më serioze brenda PDK-së dhe zyrtarisht lindja e grupimit të ri të prirë nga Fatmir Limaj e Jakup Krasniqi.

Ndërsa, Hashim Thaçi pritet t’i ftoj në mbledhje anëtarët e Këshillit të Përgjithshëm, hiq këtu Jakup Krasniqin, Fatmir Limajn dhe ndonjë tjetër, shkruan Bota Sot.

Këta pritet të përjashtohen nga të qenit anëtarë të Këshillit të Përgjithshëm dhe anëtar të kryesisë qendrore të PDK-së. E do të zëvendësohen nga Isni Kilaj (kryetar i Malishevës) dhe Sokol Bashota (kryetar i Klinës).

Sipas kësaj gazete, lirimi nga burgu dhe dhënia e masës së arrestit shtëpiak për deputetin Fatmir Limaj është pritur me ankth nga krerët e PDK-së.

Dje asnjëri nga krerët e PDK-së s’doli ta përshëndeste Fatmir Limajn derisa kalonte në rrugicën përreth selisë PDK-së në sheshin “Nëna Tereze” duke ecur drejt banesës së tij aty afër. Vetëm ca të rinj dhe disa këshilltarë të Limajt u panë aty duke brohoritur dhe përshëndetur.