Tungjatjeta Presidenti im Zoti Rugova!

Nga Rexhep Shahu

Dy theniet me te fundit per ty zoti President, thenie me germa te medha, jane ajo e ambasadorit Kristofer Hill qe tha se : Rugoven e prisnin dhe e takonin njerzit si te ishte Pape dhe ajo e fundit e lordit Robertson ish shefi i NATO qe tha keto dite ne Prishtine se Kosova eshte kjo qe eshte fale Rugoves dhe Amerikes.




Ne shijme fjale ndersa ti vazhdon te rrish e te na prish.



Dikush paska shkrue se UCK ka linde si reaksion ndaj teje. Ky fare shkruesi eshte shume larg teje, shume larg UCK e Kosoves. Ti zoti President je dakordue me presidentin e kohes ne Shqiperi, Ramiz Alia, per stervitjen e trupave ushtarake ne Shqiperi. Hajnat qe vjedhin merita nuk duan ta dine, por historia e din mire kete.



Ti qe kerkove intervenimin e NATO dhe ashtu u be, nuk mund te deklaroje si do trima shkurresh se ne clirohemi vete. Por ti deklaroje ne mbrojtje te luftes se shqiptaret po mbrojne pragjet e shtepive te tyre, kur dihej se avokatia jote ishte e jashtezakonshme dhe e padyshimte.

Po te perflasin se nuk je shpjeguar per takimin me Milosheviqin. Ata qe jane te deshperuar me ty, qe nuk munden te te njohin kurre, qe nuk ta falen kurre pse nuk u shkove ne studio apo pse nuk i lejove te te fusnin gishtat ne hunde, duhet te te shohin e te te degjojne ne perballjen tende me Milosheviqin ne gjykaten e Hages ne gjyq. Dhe nese e shohin ate perballje, mjafton per njerzit normale, e per ata qe urrejtjen e kane zanat kunder teje, nuk u mjafton as ajo perballje.



Paskan shkrue se ti ke refuzuar Shqiperine zoti President. Kjo eshte shpifje, ti nuk ke refuzue Shqiperine, por ke refuzue te takosh ata udheheqes te Shqiperise qe te quajten e te shpallen tradhetar. Por duan ta harrojne ata qe te akuzojne se ti refuzove Shqiperine.

 Ata nuk duan ta besojne se ti ishte trim, ishe idhnak i pashoq, ata nuk duan ta besojne se ishe ti e pastaj vinin te tjeret, ata nuk duan ta besojne se ti i zhbeje me heshtje dhe fjala jote me e rende ishte heshtja, shperfillja, zhberja.


Paskan thene per ty se ti nuk hyje te guximtaret. Idiotat! Po bash per ate qe ishte i semure me guxim te tha Bekim Femiu, kryeartisti, duke u mburre me ty, ne kafe ne Prishtine ne publik, se i ke koqet deri n'fund t'kamve... bash per deklaratat e tua ne Serbi e ne shtypin e huaj ne mbrojtje te shqiptareve e te Kosoves.

Po te mos ishe guximtar do te kishe ike, do te ishe fshehe si mi arash, si mi shkurresh, si komandant prrojnash e malesh.

Me tregonte Rifat Kukaj ne Zym te Hasit : Radio televizioni shqiptar dhe Dojcevele dhane lajmin se ne Prishtine kane mbete vetem serbe e qen. Rifati kishte dale ne kafe te nesermen dhe duke pi kafe e alkol me shoket, cakrronte goten duke bere ham - ham. Me vertetue lajmin e TVSH se ne Prishtine kane mbete do serbe e qen dhe jo shqiptare. Por ti President Rugova ne keto kohe ishe ne Prishtine ne shtepine tende.

Paskan shkrue se ti tradhetove enderren e bashkimit kombetar dhe krijove Kosoven shtet te pavarur. Mjeranat nuk te kane degjue as lexue se qellimi yt final eshte bashkimi. Por per tu bashkue duhet te jesh se pa qene nuk mund te bashkohesh.


Duhej bere Kosova shtet, duheshin bere dy shtete shqiptare dhe pastaj eshte ne doren e tyre bashkimi.



Zoti President, sa me shume qe po kalon koha, ti po ngrihesh edhe me lart, nuk po te rroki dot, nuk po mundem me shkrue per ty sepse une po duhet me u marre me toksoret e perllomen ndersa ti je lart ne pidestal.

Tung Zoti President!