Pasi që u zbulua që në rezultatet e kërkimit në ueb sajtin Safety & Security Center paraqitet një numër i madh i linqeve për sajte malware, Microsofti përkohësisht ka shkyçur mundësinë e kërkimit.
Duket se kjo kompani ka rënë viktimë e mënyrës Black Hat Search Optimization (BHSEO) të promovimit të sajteve malware, teknikë kjo e shfrytëzuar shpesh mes spamerëve, dhe e cila përfshin shfrytëzimin e web sajteve legjitime për postim të linqeve në faqet e infektuara. Më pas këto faqe nga sajte të ndryshme linkohen për të rritur indeksin e Google dhe me këtë edhe për të shkaktuar paraqitjen e linqeve lart në rezultatet e kërkimit.
Megjithatë, ky rast është interesant, sepse hakerët kishin arritur të gjenerojnë rezultate jolegjitime në një search kërkesë legjitime.
