Date: Wed, 3 Aug 2011 16:33:19 -0700
From: eymeri@yahoo.com
Subject: Përshëndetje të sinqerta zotit Përparim Hysi
To: bruqi-flori@hotmail.com
I dashur Flori,
Lexova esenë mjaft interesante të zotit Përparim Hysi me titull "Dritë-hijet e një nobelisti", që ju e kishit botuar në faqet e të respektuarit "Floripress" më 08 mars 2011. Ju falënderoj për botimin e kësaj eseje, të përgatitur me një profesionalizëm të lartë. Në analizën e zotit Përparim nuk mund të heqësh as edhe një presje të vetme. Rasti i qëndrimit të Solzhenjicinit ndaj Kosovës, më solli ndër mend edhe disa shkrimtarë të tjerë rusë, të cilët kanë qenë mbështetës të shovinizmit rusomadh. Madje edhe Pushkini, siç del në librin e biografit të shquar Leinid Grosman, u qe kundërvënë protestuesve francezë që ngrinin zërin kundër masakrave të shovinizmit rusomadh në Poloni, duke deklaruar se Polonia na qenkej çështje e brendshme sllave. Dikur do t'i kthehem kësaj teme. Ju lutem ta falënderoni zotin Përparim në emrin tim, meqenëse nuk ia kam adresën elektronike.
Përshëndetje miqësore.
Eshrefi
Santa Barbara, Kaliforni
03 gusht 2011
No comments:
Post a Comment