Kosova sërish do të pret për të luajtur ndeshjet ndërkombëtare miqësore, kështu ka bërë të ditur para pak çastesh presidenti i FIFA-s, Sep Blater, në konferencën për media në Cyrih. Ai ka bërë të ditur se është diskutuar sërish vendimi në lidhje me miqësoret e Kosovës, por gjithçka ka mbetur të finalizohet në mbledhjen e 14 dhjetorit në Tokio. KE i FIFA-s i ka lejuar Përfaqësueses së Kosovës të zhvillojë miqësore më 22 maj të këtij viti, por vendimi i saj është lënë pezull pas reagimit të ashpër të Serbisë dhe UEFA-s. Në disa mbledhje rresht KE i FIFA-s ka përmendur se është duke i shqyrtuar modalitetet për zbatimin e këtij vendimi, por deri më tash nuk ka pasur asnjë hap para në këtë drejtim, përveç shtyrjeve nga njëra në mbledhjen tjetër.
