Kontrabandë me mallra

Zyrtarët policor të stacionit Skenderaj, në dy raste të ndara kanë identifikuar dhe sekuestruar sasi të derivateve të dyshuara të kontrabanduara.Rreth orës 18:10min, policët patrullues kanë reaguar në një informatë të pranuar me qëllim të parandalimit të një veprimi të dyshuar për kontrabandë me mallra, të një automjeti i cili dyshohej se po lëvizte në rrugën rajonale Mitrovicë – Skenderaj.Policët kanë identifikuar veturën tip “Opel Astra” me targa të Republikës së Kosovës, të braktisur, në fshatin Llaushtë të Skenderajt.Gjatë kontrollit të veturës, policët kanë identifikuar njëzetetre (23) bidonë të plastikës të vendosur në pjesën e parme dhe të pasme të veturës, të mbushura me derivate të naftës.Lidhur me këtë, hetuesit policor kanë kërkuar asistencën e zyrtarëve të doganave të Kosovës, për të sekuestruar mallin e dyshuar të kontrabanduar.Vetura, së bashku me mallin e dyshuar të kontrabanduar, janë deponuar në terminalin doganor të Mitrovicës, për regjistrim të rastit dhe inicim të procedurave hetimore.Gjithsej 700 litra, derivate të naftës janë regjistruar dhe sekuestruar për procedurë të mëtejme nga zyrtarët e doganave.Rast të ngjashëm të inicimit të rastit për kontrabandim me mallra në Skenderaj, policia e Kosovës ka regjistruar edhe në fshatin Vojtesh të Skenderajt. Rreth orës 21:00min, policët patrullues kanë identifikuar automjetin “Ford Transit” me targa vendore, të ndaluar para një pompe të derivateve, ndërsa vetura ishte e ndezur por askush nuk ishte në automjet.Gjatë kontrollit të automjetit, policia ka vërejtur një rezervuar me rreth 2000 (dymijë) litra të derivateve, që dyshohej të ishin të kontrabanduara.Autoritetet Doganore të Republikës së Kosovës, janë njoftuar lidhur me rastin ndërsa automjeti së bashku me ngarkesën e dyshuar, janë deponuar në terminalin doganor në Mitrovicë.Policia e Kosovës dhe autoritetet doganore të Kosovës, janë në ndjekje të procedurave të mëtejme lidhur me rastet e regjistruara të kontrabandimit me mallra.