Vendimin përfundimtar kreu shtetëror i Serbisë do ta marrë pas një vlerësimi të hollësishëm sa humbet në njërin dhe sa në tjetrin rast, i deklaroi Tanjugut këshilltari i presidentit ë Serbisë, Marko Gjuriq. Fatkeqësisht në të dy rastet Serbia do të përballet me sfida e pasoja të mëdha, është shprehur ai. Sipas tij, e marta, 9 prill, deri në orët e pasditës, është afati deri kur nga ekipi negociues i Beogradit pritet të deklarohet rreth ofertës nga bisedimet në Bruksel.
Gjuriq i ka thënë Tanjugut se oferta nuk dallon me asgjë nga tetë pikët të cilat kemi pasur rast t’i shohim publikisht pas raundit paraprak. Në ato pika nuk përmenden kompetenca shtesë për bashkësinë serbe, nuk përmenden kurrfarë garancish sigurie e juridike, nuk përmendet mungesa e Forcës së Sigurisë të Kosovës nga territoret ku jetojnë serbët ose së paku në veriun e Kosovës.
Marko Gjuriq të enjten qëndroi në Mitrovicë ku bisedoi me përfaqësues të serbëve të katër komunave të pjesës veriore të Kosovës.
RTS, që transmetoi deklarimet e Gjkuriqit, nuk jep hollësi të tjera se çfarë do të jetë vendimi përfundimtar i Serbisë rreth marrëveshjes me Kosovën, e as nëse ka pasur marrëveshje me serbët e Kosovës për hapat e mëtejshëm.
No comments:
Post a Comment