Edmond Haxhinasto:Kujdes nga protestat e neserme

Zv.kryeministri dhe njëkohësisht ministri i jashtëm i Shqipërisë Edmond Haxhinasto e ka cilësuar një burim të mirinformuar Ambasadën e Shteteve të Bashkuara të Amerikës teksa u pyet për paralajmërimet e kësaj të fundit në drejtim të shtetasve amerikane në prag të protestës së opozitës. “Ambasada e SHBA-se është një burim i mirëinformuar kështu që duhet ta respetojmë. Dhe qytetarët amerikanë duhet ta dëgjojnë ambasadën e vendit të tyre”, u shpreh Haxhinasto. Më tej ai shprehu urimet e rastit për tre vjetorin e Pavarësisë së Kosovës. “Ne vërejmë me shumë kënaqësi se Kosova është duke shënuar një progres të vazhdueshëm në drejtim të ndërtimit të institucioneve të saj dhe të krijimit të një shoqërie multietnike. Në këto moment, urojmë që të krijohet sa më shpejt qeveria e dalë nga zgjedhjet e përgjithshme dhe dëshirojmë të shohim që qeveria e Kosovës të fokusohet në sfidat madhore që ka Kosova për zhvillimin e saj, për prosperitetin ekonomik por gjithashtu edhe në procesin e negociatave me Serbinë për çështje konkrete që kanë të bëjnë me interesa të qytetarëve të të dy vendeve”, u shpreh ministri i jashtëm i Shqipërisë Edmond Haxhinasto.