Këshilli Drejtues i Universitetit të Prishtinës, Kolegjiumi i Dekanëve të Fakulteteve të Universitetit të Prishtinës dhe Menaxhmenti i Universitetit, reagojnë me indinjatë ndaj sulmit vandal kundër rektorit të UP-së, gjatë ceremonisë së shënimit të përvjetorit të themelimit të UP-së.
Universiteti i Prishtinës është insitucuinoni më i lartë i dijes në vend dhe përherë ka qenë dhe do të jetë gjenerator i emancipimit dhe përparimit të shoqërisë e të vendit tonë. Si i tillë ai e meriton respektin e të gjithëve.
Prandaj, kushdo që përpiqet ta destabilizojë ose ta ulë vlerën e këtij institucioni, punon kundër interesave të vendit tonë.
Lidhur me sulmin e shëmtuar ndaj rektorit tonë, kërkojmë nga organet e rendit, që sa më parë ta zbardhin rastin dhe aktorët e këtij akti të shëmtuar të dalin para drejtësisë.
Edhe me këtë rast, ia bëjmë me dije opinionit të gjerë publik së ne, Këshilli Drejtues i Universitetit të Prishtinës, dekanët e Fakulteteve, Menaxhmenti, si dhe stafi akademik dhe administrativ i UP-së, i japim mbështetjen dhe përkrahjen tonë të parezervë rektorit të UP-së Prof.dr. Mujë Rugova për punën dhe përkushtimin e tij në drejtimin e Universitetit të Prishtinës.
Konsiderojmë së ky akt i dhunimit të institucionit tonë, nuk ishte i drejtuar vetëm kundër rektorit të UP-së, por kundër të gjithë mësimdhënësve, stafit akademik e administrativ dhe studentëve të Universitetit të Prishtinës.
No comments:
Post a Comment