Derisa Njësia Speciale të Policisë së Kosovës është vendosur në pikën 31, burime të Kosovapress-it bëjnë të ditur se Policia e EULEX-it dhe shumë serbë lokalë, kanë bllokuar rrugën në Rudare dhe nuk po e lejojnë Njësinë Speciale të Policisë së Kosovës që të shkojë drejt Zveçanit.
Këto burime bëjnë të ditur se tani për momentin është e tensionuar gjendja mes Policisë së Kosovës, asaj të EULEX-it dhe serbëve që kanë bllokuar rrugën, pasi Policia e Kosovës është e vendosur ta zbatojë urdhrin për të marrë nën kontroll pikat kufitare në veriun e vendit, ndërsa Policia e EULEX-it nuk po i lejon të vazhdojnë më tej.
Sipas burimeve të pa konfirmuara edhe në Leposaviq ka grumbullime të serbëve, të cilët kanë bllokuar rrugët.
Situata aktuale është e qetë në veri dhe jug të Mitrovicës, ndërkohë që vërehet lëvizje e shtuar e forcave policore.
No comments:
Post a Comment