Poeti ka sjellë nëpërmjet poezive, aforizmave dhe poemave të gjitha problemet që shqetësojnë atë vetë dhe një shoqëri të tërë.
Gjatë viteve të emigracionit në Greqi, përveç aktiviteteve të ndryshme artistiko-patriotike, regjisori Fehmi Hoshafi shkroi edhe poezi, duke iu kthyer “dashurisë së tij të parë”, fryt i së cilës është edhe libri “Ky populli im një këngë djepi”. Krijimet në këtë vëllim përmbajnë tematika të ndryshme shoqërore. Poeti ka sjellë nëpërmjet poezive, aforizmave dhe poemave të gjitha problemet që shqetësojnë atë vetë dhe një shoqëri të tërë. Vargjet rrjedhin lirshëm, duke na dhuruar kënaqësi.
Gjithashtu, në libër përfshihet dhe intervista e Artan Kristos bërë babait të kinokomedisë shqiptare për filmin “Kapedani”, i shfaqur këtu e disa dekada më parë, por që na lë përshtypjen sikur është xhiruar dje.
