Shefi i UNMIK-ut, Lamberto Zannier, ka deklaruar se EULEX-i është i gatshëm operativist për hetimin e tregtimit të organeve me njerëz dhe për këtë nuk është e nevojshme të krijohet trup i ri.
“EULEX-i për shkak të mundësive operative mund të ofrojë më shumë sesa të krijohej një trup i ri për hetime apo për zgjerimin e kompetencave për Gjykatën Ndërkombëtare në Hagë”, ka vlerësuar Zannier, raporton radio KiM.
Në një komunikatë, të cilën e transmeton kjo radio, theksohet se Zannier ka biseduar në Mitrovicë me Sekretarin serb në Ministrinë për Kosovën, Oliver Ivanoviq, rreth vendimeve të Këshillit të Sigurimit të OKB-së, që kanë të bëjnë për Kosovën, me theks të veçantë në raportin e Dick Martyt dhe qëndrimit të OKB-së rreth tij.
Ivanoviq dhe Zannier janë pajtuar se Kombet e Bashkuara duhet të përcjellin zhvillimet rreth raportit të Dick Martyt dhe hetimeve për tregtinë me organe të njerëzve në Kosovë.
No comments:
Post a Comment