MALLI I MOTRËS

Cërr, një zile…..
Alo, jam motra
Po flas nga Klithea
“Si është mamaja?”, e para fjalë
Si janë vëllezërit
Të gjithë si janë
Më ka marrë malli
Ju dua pranë.


Te varri i babit, një tufë me lule
Ju lutem, të ma çoni
E kam parë në ëndërr
Të veshur dhëndër
Ia plas të qarit,
E gjora motër.
I pamëshirshëm, fati veç me ne
Mbetëm rrugëve të botës
Të përmalluar
Larg nga njëri-tjetrit
Larg nga ty, o Atdhe.