Mihal Gjergji :Shpresa të thinjura

Në vargjet e tij shprehet një ndjesi artistike prej një autori me një botë të pasur shpirtërore.



Një poet me një përvojë poetike të vërtetë. Në vargjet e tij shprehet një ndjesi artistike prej një autori me një botë të pasur shpirtërore. Materia poetike shprehet përmes një sistemi figurativ impresionist, plot ngjyra.
Gjithë lënda e vargjeve është transparente, plot variacion, jashtë asaj monotonie që shpesh ka zënë vend në shumë vëllime poetike, të botuara gjatë së djeshmes dhe së sotmes. Në vëllimin e Mihal Gjergjit mbizotërojnë disa tema, si: ato të përjetimeve shpirtërore, të peizazheve, të kujtesës historike, të dëshmorëve dhe të të rënëve në luftën për liri, të miqve që ka njohur e të tjerë.