Parlamenti shqiptar nderon firmëtarët e Pavarësisë, në një ceremoni të organizuar në Kuvend, me pjesëmarrjen e Presidentit të Republikës, Bujar Nishani, Presidentes së Kosovës Ahtifete Jahjaga, kryeministrit Berisha e personaliteteve të tjera të trevave shqiptare.
Kryetarja e Kuvendit, Jozefina Topalli, theksoi se sot shqiptarët celebrojnë kryefestën e tyre, dhe nderojnë patriotët që shpallën Pavarësinë e Shqipërisë 100 vjet më parë.
“Historia e përpjekjeve për të ruajtur Pavarësinë e Shqipërisë është fondamentale. Ismail Qemali ngriti flamurin që nuk sulmoi kurrë të tjerët, Flamurin tonë, të Skëndërbeut, më të bukurin, faleminderit Ismail Qemal Vlorës, përjetë mirënjohës”, tha Topalli.
No comments:
Post a Comment