Po bëhen një javë qëkur në qendër të Preshevës është vënë përmendorja e dëshmorëve të UÇPMB-së, pas së cilës pasuan prononcimet e kryeministrit serb Ivica Dacic se “ajo përmendore, nëse nuk hiqet nga ata që është vënë, do të largohet me forcë”.
Lidhur me përmendoren në fjalë, Demaçi thekson se me kërcënimet e Dacicit dëshmohet se Serbisë nuk i pengojnë vetëm njerëzit e gjallë në Luginën e Preshevës, por edhe të vdekurit.
“Autoritetet serbe duhet të ndalin turrin, jo vetëm të politikës diskriminuese, por edhe provokimet - qoftë me xhandarmëri apo me deklaratat kërcënuese ndaj popullatës së pambrojtur shqiptare”, ka thënë Demaçi për “Presheva Jonë”. “Për daljen eventuale të situatës jashtë kontrollit në Luginën e Preshevës, kryesore është vetë Serbia e cila nuk di të ndalet dot nga provokimet”.
Sipas Demaçit, edhe provokimet e kanë fundin e vetë.
“Djemtë e Luginës së Preshevës përmendoren UÇPMB-së në Preshevë nuk e kanë ndërtuar për ta hequr. Ndaj, besoj se ka kush t’i dal zot. Beogradi duhet ta ketë një gjë të qartë: apelet e liderëve politikë, ish-luftëtarëve dhe komandantëve të UÇPMB-së, nuk bëhen bash për sy e faqe”, ka theksuar Demaçi
No comments:
Post a Comment